Құрметті қала тұрғындары!
«Победа» медицина мекемесі
Сізді біздің емханаға тіркелүге шақырады
Біздің мекен-жайымыз: Победа, 18 көш.
Тіркеу: 36-10-01; 36-26-42
Қазақстанда жыл сайын 15 қыркүйектен 15 қарашаға дейін Қазақстан Республикасы Денсаулық сақтау министрінің 2020 жылғы 13 қарашадағы № ҚР ДСМ-194/2020 бұйрығымен бекітілген жеке тұлғаларды медициналық-санитариялық алғашқы көмек көрсететін денсаулық сақтау ұйымдарына бекіту қағидаларына сәйкес тұратын аумағы шегінде емхананы еркін таңдау науқаны өтеді.
Қазақстан Республикасының азаматтары, қандастар және Қазақстан Республикасы аумағында тұрақты тұратын шетелдіктер үшін бекіту тәртібі өзгеріссіз қалады.
Шетелдіктер мен еңбекші мигранттар үшін медициналық-санитариялық алғашқы көмек көрсететін ұйымдарға тіркелу қағидалары осы жылдың 15 тамызынан бастап өзгереді.
Енді олардың ерікті медициналық сақтандыру шарты (ЕМС) болуы тиіс. Кестеде механизм қалай жұмыс істейтінін көрсеттік.
Достар, тіркеу немесе қайта бекіту кезінде аумақтық қол жетімділік маңызды рөл атқарады. Яғни, қажет болған жағдайда учаскелік дәрігер сізге көмек көрсетіп, үйде бақылап отыруы үшін тұрақты тұратын жеріңізде орналасқан емхананы таңдау қажет. Бұл әсіресе пандемия кезінде өте маңызды.
Сондай-ақ, емхананы таңдау кезінде оның әлеуметтік медициналық сақтандыру қорының жеткізушісі болып табылатынына немесе табылмайтынына міндетті түрде назар аударыңыз. Бұл өте маңызды, өйткені Сіз ертең МӘМС жүйесінде медициналық көмек алу құқығыңызды пайдалана алуыңыз осыған тікелей байланысты.
Тіркеуге қолжетімді емханалардың тізімімен Қор www.fms.kz сайтында «Емхананы таңдау» бөлімінде танысуға болатынын ескертеміз.
Ал науқан басталмайынша, медициналық көмектен қол үзіп қалмау үшін өзіңіздің тіркемеңізді тексеріңіз. Мұны тікелей тұрғылықты жеріңіз бойынша емханада немесе электрондық үкімет веб-порталында ЭЦҚ арқылы жасауға болады.
Айта кетейік, тіркеу науқанын өткізуге жергілікті денсаулық сақтау басқармалары жауапты болады. Сондықтан тіркеуге қатысты барлық сұрақтар бойынша медициналық ұйымдарға немесе өзіңіз тұратын облысыңыздың, қалаңыздың Денсаулық сақтау басқармасына хабарласуыңыз қажет.
Емханаға бекітілу туралы өтініш қанша уақыт ішінде қаралады?
Емханаға бекіту немесе бекітуден дәлелді тұрғыда бас тарту 1 жұмыс күні ішінде қаралады.
Мен бір мезгілде бірнеше емханаға бекітіле аламын ба?
Сіз қай уақытта да тек бір емханаға бекітіле аласыз, себебі бекітілу сіздің ЖСН жеке нөміріңіз бойынша жүзеге асырылады. Қажетті емханаңызға бекітілгеннен кейін, сізді бұрынғы емхана автоматты түрде бекітілімнен босатады.
Егер мен бекітілу науқаны кезінде өтініш бермеген болсам не болады?
Ондай жағдайда сіз өзіңізге бұрын қызмет көрсетілген емханада бекітілген болып қаласыз.
Бекітілу науқаны кезінде мен басқа емханаға бекітілу үшін өтініш бердім, ол жерде медициналық көмекті қай уақыттан бастап алуыма болады?
Келесі жылдың 1 - қаңтарынан бастап алатын боласыз. Ағымдағы жылдың соңына дейін сіз өзіңізге бұрын қызмет көрсетілген емханада бекітілген болып қаласыз және медициналық көмек алуды сол жерде жалғастырасыз.
Қандай жағдайларда сізді емханаға бекітуден бас тартуы мүмкін?
- Жалған ақпарат берілген жағдайда
- Пациенттің нақты тұру мекені емхананың қызмет көрсету аймағынан тыс жерде орналасқандығы анықталған уақытта.
- Жалпы практика дәрігеріне бекітілген халықтың саны 1,7 мың адамнан, учаскелік педиатрға – 0-ден 6 жасқа дейінгі 500 баладан, 0-ден 14 жасқа дейінгі 900 баладан асып кеткен жағдайда
- Бекітілетін тұлғаның заңды өкілдігін растайтын құжат болмаған кезде.
Емханаға қалай тіркелуге болады:
ЭЦҚ болған жағдайда емханаға электрондық үкімет порталында тіркелуге болады www.e.gov.kz ол үшін «денсаулық сақтау» бөлімінде «медициналық-санитариялық алғашқы көмек көрсететін медициналық ұйымға тіркелу»қызметін таңдау қажет. Барлық өрістер толтырылғаннан кейін пациент туралы ақпарат автоматты түрде емханаға түседі. Егер барлық манипуляциялар дұрыс жасалса, өтініш берушіге медициналық мекеменің электрондық цифрлық қолтаңбасымен расталған тіркеу туралы хабарлама келеді.
Баламалы түрде МСАК ұйымында бұл қызмет ұсынылады (ЭЦҚ-ның болуы талап етілмейді):
- Зейнеткерлерге;
- Мүгедектерге;
- Бала кезінен мүгедекке заң бойынша тағайындалған қамқоршыларға;
- қорғаншыларға немесе қамқоршыларға;
- Патронат тәрбиешілерге;
- Колонияларда жазасын өтеп жүрген сотталғандарға;
- Студенттерге;
- Медреседе оқитын студенттерге;
- Мерзімді қызмет әскери қызметшілеріне;
- Шет мемлекеттерде туған балаларға;
- Сенімхат бойынша тіркеуді жасайтын адамдарға.
Емханаға жүгінген кезде халықтың осы контингенттері мынадай құжаттарды ұсынуы қажет:
- Зейнеткерлерге-зейнетақы куәлігі;
- Мүгедектерге-зейнетақы куәлігі не медициналық-әлеуметтік сараптаманы куәландыру актісінен үзінді көшірме;
- Бала кезінен мүгедекке заң бойынша тағайындалған қорғаншыларға (осы санаттағы жеке тұлғалар кәмелетке толған болуы мүмкін), сондай – ақ қорғаншыларға немесе қамқоршыларға, патронат тәрбиешілерге және Қазақстан Республикасының заңнамасына сәйкес балаға қамқорлық, білім, тәрбие, оның құқықтары мен мүдделерін қорғауды жүзеге асыратын оларды алмастыратын басқа да адамдарға (заңды өкілдер) — сот шешімі не қорғаншылықты, қамқоршылықты және т. б. растайтын өзге де құжат;
- Колонияларда жазасын өтеп жатқан сотталғандарға, әскери қызметшілерге-өңірлердің «денсаулық сақтау басқармасы» мемлекеттік мекемелерінің бірінші басшысының бұйрығымен құрылған «БХТ» АЖ-да халықтың МСАК-қа бекітілуін (бекітілуін) тіркеу мәселелерін қарау жөніндегі комиссияның хаттамасы;
- Студенттерге (18 жасқа дейінгі балалар), сондай – ақ медреседе білім алушыларға (18 жасқа дейінгі балалар) — жоғары оқу орны ректорының МСАК-қа ресми үндеуі және оқу орны мен МСАК арасындағы комиссия хаттамасы;
- Қазақстан Республикасынан тыс жерде туған балаларға – шет мемлекетте туылғанын растайтын құжат;
- Сенімхат бойынша тіркеуді жасайтын адамдарға-сенімхат.
Қызмет құжаттарды тапсырған сәттен бастап бір жұмыс күні ішінде көрсетіледі. Бұл ретте бекітуге арналған сұрау салу жұмыс аяқталғанға дейін екі сағат бұрын, яғни жұмыс күндері кешкі сағат 18.00-ге дейін және сенбі күні күндізгі сағат 12.00-ге дейін қабылданады.
