Сақтандырылмаған пациенттер тегін медициналық көмектің кепілдік берілген көлемі шеңберінде бірқатар маңызды медициналық қызметтерді ала алады. Бұл ретте міндетті әлеуметтік медициналық сақтандыру бойынша қызметтер оларға қолжетімсіз. Әлеуметтік маңызы бар аурулар жағдайында пациенттерге ТМККК шеңберінде консультациялық-диагностикалық көмек және емдеу ұсынылады.
ТМККК-ға не кіреді?
- Тәулік бойы қолжетімді жедел медициналық көмек.
- Алғашқы медициналық-санитарлық көмек, оның ішінде учаскелік дәрігердің кеңесі, диагностика, ауруларды емдеу, алдын алу және иммундау. Бұған сондай-ақ салауатты өмір салтын қолдау және созылмалы аурулары бар науқастарды үнемі бақылауда ұстау кіреді.
- Созылмалы және әлеуметтік маңызы бар ауруларға шалдыққанда күндізгі және тәулік бойғы стационарларда емдеу.
- Туберкулезбен ауыратын науқастарды медициналық оңалту.
- Емделмейтін ауруларға шалдыққан науқастардың өмір сүру сапасын жақсартуға арналған паллиативтік көмек.
- Трансплантация жүргізу.
- Қажет болған жағдайда шетелде емдеу.
- Дәрілік заттармен қамтамасыз ету.
ТМККК әрбір пациент шұғыл және жоспарлы түрде сақтандырудың бар-жоғына қарамастан қажетті ем ала алатындай медициналық көмек ұсынады.
